အဲ့ဒီအချိန်မှာတော့အဲ့ဒါဟာအစစ်ဖြစ်ခဲ့သတဲ့

အဲဒီအချိန်မှာတော့အဲဒါဟာအစစ်ဖြစ်ခဲ့သတဲ့

မထင်မှတ်လောက်အောင် ရဲရဲတင်းတင်းတွေ ရေးချလိုက် ပြီးတော့မှ လေသံကို ချက်ချင်းဂီယာပြောင်း-မထင်မှတ်လောက်အောင် အသေးစိတ်တွေဖွဲ့နွဲ့ ပြီးတော့ မိန်းကလေးလေသံကိုဖျောက်၊ ပြီးတော့ လှချင်စိတ်ရှိသလောက် အလှတရားကို မဖန်တီးတတ်ရှာ တခါတလေ အရာအားလုံးကို လုပ်ပြနိုင်သူလိုလိုပုံဖမ်း၊ ပြီးတော့ ဘာမှမသိပါဘူးရှင် အချိုးမျိုးလေးနဲ့ ပြန်ပေါ်လာ အဝေးကနေ လက်တည့်စမ်းတတ်ပြီး ကိုယ်ပုန်းဖို့ အလုံခြုံဆုံးတစ်နေရာကို အမြဲရှာဖွေထားတတ်သူ – အတိုပြန်ချုပ်ပြောရရင် ပါးနပ်တယ်- သို့သော်ထူတယ်၊ ပါရမီရှိတယ်- သို့သော် ရှိသင့်သလောက် ရှင်းရှင်းလင်းလင်း မရှိဘူး၊ အရဲကိုးတယ်- သို့သော်သတ္တိနည်းတယ်၊ လူမှုတွေကို သိပ်မမှုစမ်းပါနဲ့ – တစ်ခါလောက် အိမ်ကပြေးကြည့်ပါလား၊ စိတ်ထဲက ရှုပ်ရှုပ်ထွေးထွေးတွေ အမှိုက်တွေ ကုန်သွားအောင် ဆန္ဒအရှိဆုံး အမှားတစ်ခုကို စိတ်ရှိလက်ရှိကျုးလွန်လိုက်- အပြင်ကိုထွက်ပြီး နည်းနည်းလောက် အသက်ရှူကြည့်လိုက် ဒါမှမဟုတ် အသက်ရှူရပ်ကြည့်လိုက်၊ ကားတစ်စင်းလို လမ်းဘေးထိုးရပ်လိုက်ရတဲ့ ဘ၀တွေရှိတယ် ၊ အင်ဂျင်မပါပဲ မောင်းနေတဲ့ ကားတွေရှိတယ် – ကားနေတဲ့ မောင်းတွေရှိတယ် – မောင်းထုခေါ်ပြီး လူထုက ကျောက်ခဲနဲ့ဝိုင်းပေါက်သတ်တဲ့ ပြစ်မှုတွေရှိတယ်- လက်ဖျားနဲ့တို့စရာမလိုဘဲနဲ့ အားအားယားယား တရားဝင် သတ်ဖြတ်မှုတွေလည်း ရှိတယ်၊ သေခြင်းတရားကို ရွှေဒင်္ဂါးလို ထွေခင်းစကားကြတယ် ဆိုတာကြားဖူးလား- လူ့ဘ၀ဆိုတာ မပျင်းတတ်ရင် တိုတိုလေး ပျင်းတတ်ရင် ရှည်ရှည်ကြီးပေါ့ ရှင်းပလား ၊ ငြီးငွေ့လွယ်စရာကောင်းတဲ့ လူလူချင်း ဆက်ဆံရေးတွေရှိတယ် – စကားလုံးလော်လီနေတဲ့ အခွင့်အရေးတွေ ရှိတယ်၊ လှုပ်စိလှုပ်စိ စီးဆင်းနေတာတွေ ရှိသလို အထက်အရပ်က ပီကေကပ်ထားခံရတာလည်း ရှိတယ်- အရင်ကပြောင်းခဲ့ပုံတွေနဲ့ အခုနောက်ဆုံး ပြောင်းနေတာတွေနဲ့ မတူတော့ ပြောင်းလဲတွေပုံက ပြောင်းလာတယ်၊ မျက်တောင်တဆုံးမကြည့်နဲ့ မျက်တောင်မခတ်ကြည့်ပါ လှမ်းကြည့်လိုက် လှန်ကြည့်လိုက် လှပ်ကြည့်လိုက် အတုတွေ ထထမလုပ်နဲ့ ကိုယ့်ကိုယ်ကို ယုံကြည်မှုကို အပြည့်ဖြည့်ထားလိုက် ကဲပါလေ စောစောက ပြောတာတွေလည်း မေ့ပစ်လိုက် မင်းမှာ အိုင်ဒီယာရှိတယ် စတိုင်သစ်ရှိတယ် အိုင်ကွန်ရှိတယ် ဖက်ရှင်ရှိတယ် ဖက်ရှင်အင်းမေ့ဂ်ျလည်းရှိတယ် ကဲ .. ရယ်မောသွားပြီဟုတ် အဲဒီလိုနေပါ ပေါ့ပေါ့ပါးပါးနေထိုင်ပြီး လေးလေးနက်နက် တွေးတောပါ ဟာသဥာဏ်ရှိတယ် သရော်မယ် လှောင်ပြောင်မယ် အရာရာကို ရယ်စရာ မြင်နေတတ်တာလည်း ကောင်းတော့ကောင်းပါတယ် ကောင်းလည်းမကောင်းဘူး ထောင်တန်တဲ့ စကားက ရယ်ရင် ပေါ့တတ်တယ် ငါးထောင်တန်ကတော့ အကြွေဖျက်ဖို့ခက်မယ် ထောင်တွေတန်းတွေကတော့ ဘယ်သူနဲ့မှ မတန်ပါဘူး စကားကို ကတ်မပြောနဲ့ ခတ်မပြောနဲ့ လွဲမပြောနဲ့ လွှဲမပြောနဲ့ ပြောရင်းဆိုရင်း လျှောချသွားပြန်ပြီ- ကြည့်။

ပန်ဒိုရာ

၁၈-၁၉.၁၁.၂၀၁၁

Advertisements

တစ္ဆေ

တစ္ဆေ

 

ကျွန်မတစ္ဆေတွေကို ကြောက်ရွံ့လေ့မရှိပါ။ ထိုအတူ ချစ်ခင်ခြင်းလည်းမရှိပါ။ သို့ရာတွင် တစ္ဆေတစ်ကောင်နှင့်တော့     ကျွန်မဘ၀အစိတ် အပိုင်းအတော်များများကို ထိတ်လန့်တုန်လှုပ်စွာ ဖြတ်သန်းခဲ့ဖူးသည်။

ညဖက်မက်တတ်သော အိပ်မက်များထဲတွင် ကျွန်မအနောက်မှ တစ္ဆေတစ်ကောင်၏ အရိပ်သည် ဒေါသမာန်အပြည့်ဖြင့် လိုက်ပါလာ  လေ့ရှိသည်။ ကျွန်မ ကမူးရှူးထိုးပြေးလွှားရင်း နောက်ဆုံးတွင် ရေတွေတဝေါဝေါ ထိုးစိုက်ဆင်းနေသည့် ရေတံခွန်ကြီး တစ်ခုထဲ   လွင့်ကျသွားသည်။ ဒါမှမဟုတ် နက်ရှိုင်းသည့် ချောက်နက်ကြီးတစ်ခုထဲသို့ ကျွန်မပြုတ်ကျသွားသည်။ဘယ်လိုနည်းနဲ့ ပဲဖြစ် ဖြစ်  ကျွန်မ၏ အိပ်မက်အဆုံးသတ်တိုင်းသည် မလှပတတ်။ ကျွန်မသည် အိပ်မက်ကနေ ချောက်ချားစွာ အကြိမ်ကြိမ်လန့်နိုးရင်း မောပန်း နေခဲ့သည်။

ကျွန်မနောက်မှ ထိုတစ္ဆေတစ်ကောင် လိုက်ပါလာတတ်ခဲ့သည်မှာ  သိပ်မကြာသေး။ ကျွန်မချစ်သူနှင့် အိမ်ထောင်ပြုချိန်မှာ စတင် သည်ဟု ဆိုရမည်။ ကျွန်မသည် အသိုက်ပျက်မိသားစုဘ၀မှာ နေထိုင်ရင်း ချစ်သူနှင့် ဆုံတွေ့ခဲ့ရသည်။ သိပ်မကြာခင်မှာဘဲ ကျွန်မတို့ လက်ထပ်ဖြစ် ကြသည်။ ချစ်သူနှင့် မိသားစုဘ၀တစ်ခုကို စောစီးစွာ တည်ထောင်ခဲ့ရသဖြင့် ကျွန်မ ဘယ်သောခါမှ နောင်တရမိမည် မဟုတ်။  ထိုအစား ကျန်ရစ်ခဲ့ သော အသိုက်ပျက်မိသားစုဘ၀ကိုသာ ကျွန်မစိတ်မှာ စွန်းကွက်နာကျင်ခဲ့ရသည်။

ကျွန်မမိဘတွေက အိမ်ထောင်ရေးကံမကောင်းခဲ့ကြ။ မိဘတွေ၏ စီးပွားရေးအဆင်မပြေရာမှ အတ္တတွေပြိုင်လာကြပြီး ရုန်းရင်း ဆန်ခတ်  ဖြစ်နေသည့် ဖရိုဖရဲညတွေ ငယ်စဉ်က ကျွန်မဘ၀မှာ  အများကြီးကြုံခဲ့ရသည်။ ကျွန်မအသက်ရှစ်နှစ်ခွဲတွင် ကျွန်မတို့ မိသားစုပြိုကွဲသွားသည်။ အမေက ညီမလေးကိုခေါ်ပြီး ကျွန်မတို့နှင့်ဝေးရာကို အပြီးတိုင် ထွက်ခွါသွားသည်…။ အစ်မကြီးက အဘိုးအဘွားများ၏ မေတ္တာရိပ်အောက်မှာ လိုလေးသေးမရှိ သွားရောက်နေထိုင်ခဲ့သည်။

ကျန်ရစ်ခဲ့သော ကျွန်မတို့ သားအဖသုံးယောက်သည် ဆင်းရဲခြင်းဒုက္ခပေါင်းစုံကို ခါးစည်းခံရသည်။ ကျွန်မသည် ရှိတာလေးနှင့် စားသောက်ပြီး အတန်းပညာရေးကို အားသွန်ကြိုးပမ်းရသည်။ ကျွန်မအစ်ကိုကတော့ ကျောင်းများ ပျက်ကွက်ပြီး ၉တန်းမှာပင် ကျောင်းထွက်သွား ၏။ ဟိုတုန်းက ကျွန်မအဖေသည် မအောင်မြင်သေးသော စာရေးဆရာ။ပတ်ဝန်းကျင်က အဖေ့ကို အထင်မကြီး။ မောင်နှမတစ်ချို့က အဖေ့အလုပ် အကိုင်ကို ထုတ်ပြောဖို့ ၀န်လေးခဲ့ကြသည်။ အဖေ့အနုပညာကို  မိသားစုဆွေမျိုးကြားတွင် အနီးကပ်ဆုံး  ယုံကြည်စွာ အားပေးခဲ့သူမှာ ကျွန်မ တစ်ယောက်သာ…။ ထိုအခြေအနေကြားမှ အဖေသည် အောင်မြင်သော စာရေးဆရာ ဖြစ်လာသောအခါ ကျွန်မတို့မှာ ထုံးစံအတိုင်း ငွေရွှင်လာသည်။ အစပိုင်းတော့ အဖေက ကျွန်မကို ဘဏ်စာအုပ်အပ်သည်။ ဒါကို ကျွန်မအစ်ကိုက မကျေနပ်။ တကယ်တမ်းလည်း ကျွန်မသည် ငွေကို အသုံးအစွဲ မတတ်။ အလကားသုံးဖြုန်းမိတာက များသည်။ ငွေရှိတော့ အစ်ကိုကလည်း သောက်စားမူးယစ်ရန်ဖြစ်တတ်လာသည်။အဖေကလည်း ၂၅နှစ်ကျော် အဆင်းရဲခံဘ၀ကို ဖြတ်သန်းခဲ့သည့် သားသမီးနှစ်ဦးမျက်နှာကို မထောက်ရှု။ ကလေးသုံးယောက်အမေ တစ်ခုလပ်တစ်ယောက်နှင့်  နောက်အိမ် ထောင်ကို လက်ဖက်ရည်ဝိုင်းဖြင့် ခပ်လွယ်လွယ်ထူထောင်လိုက်ကြသည်။ စာချုပ်ပေါ်က ချစ်ခြင်းကို မယုံကြည်တော့ဟု ခနဲ့တဲ့တဲ့ ဆိုသေးသည်။

မိသားစုဝင်ငွေတွေ တက်ရိပ်ပြသော်လည်း ထိုငွေများက အဖေ့နောက်အိမ်ထောင်မှ လူတစ်သိုက်အပေါ် အလွယ်တကူ ယိုစီး သွားသည်။ ကျွန်မထံမှ ဘဏ်စာအုပ်နှင့်အတူ ဖခင်မေတ္တာတချို့ကိုပါ အဖေပြန်သိမ်းသွားသလားမပြောတတ်။ထိန်းထားသည့်ကြား မှပင်   အဖေ့ကို ကျွန်မ မချိတင်ကဲဝေဖန်ရေးဆိုမိသည်။ အဲသည့်နေ့က  ကျွန်မပါးရိုက်..ခံ..လိုက်ရ..၏….။ အမေနှင့်လမ်းခွဲပြီး ကတည်းက  သည်လောက်ထိ နာကျင်အောင် အဖေ မပြုမူဖူး….။ ထိုအချိန်မှာပဲ ကျွန်မချစ်သူနှင့် ဆုံတွေ့ခဲ့ရခြင်းဖြစ်သည်။

ကျွန်မတို့ လက်ထပ်လိုက်ပြီးနောက် ကံကောင်းထောက်မစွာဖြင့် ယောက္ခမတွေက ကျွန်မတို့နေဖို့ တိုက်ခန်းတစ်ခန်းစီစဉ် ပေးသည် ။ကျွန်မက မိဘနှင့်ဝေးရာတွင် ရက်ရှည်လများခွဲအိပ်ဖူးသူမဟုတ်သဖြင့် သန်းခေါင်ချိန်တိုင်း အိမ်လွမ်းကာ အော်ငိုမိ တတ်သည်။   ထို့နောက်မှာတော့ တစ္ဆေတစ်ကောင်က ဘွားခနဲ ကျွန်မကို အစပြုခြောက်လှန့်လေတော့၏။ ညတိုင်းလိုလို အိမ်ဟောင်းလေးမှ  ရနံမျိုးစုံ၊ အသံမျိုးစုံကို ကျွန်မရှူရှိုက် ရရှိနေမိသည်။ အ၀တ်ဟောင်းစတစ်ချို့၏ ချဉ်စူးစူးအနံ့။ အော်ဟစ်ဆဲရေးသံများ။ ဒုတ်တပျက် ဓါး တစ်ပျက်ကြိမ်းမောင်းသံများ ။ အဖေဟု မြည်တမ်းခွင့်မသာတော့သည့် ၅၂၈မေတ္တာများ။ သင်္ကြန်တွင်းတစ်လလုံး နေ့ညမပြတ်မူးရူးနေ သည့် အစ်ကိုနှင့်  နောက်မိန်းမအိမ်တွင် ပါရမီဖြည့်ပေး နေသောဖခင်။ လုံခြုံမှုမရှိသောအိမ်လေးမှာ ကျွန်မတစ်ယောက်တည်း။ မမြင်နိုင် သော တစ္ဆေတစ်ကောင်က ညရောက်တိုင်း ကျွန်မနောက်မှ တရကြမ်း လိုက်ပါနေခဲ့သည်။ အတိတ်တစ္ဆေ။

လပေါင်းများစွာကြာမြင့်သည်ထိ တိုက်ခန်းသစ်လေးမှာ နေသားကျလာအောင် ကျွန်မအတော်ကလေး ကြိုးစားခဲ့ရသည်…။ အိမ်ထောင် သက်၂ နှစ်နီးပါးရှိချိန်တိုင် ကျွန်မရုံးသို့ အဖေ့အလာကို မျှော်နေမိခဲ့သည်….။ အိမ်ဟောင်းလေးဆီမှ ဖရိုဖရဲမိသားစုကို လွမ်းသည့်စိတ်အား အလုပ်ထဲ အတင်းဇွတ်မှိတ်မြိုသိပ်ဖျောက်ဖျက်လိုက်ရသည်က အကြိမ်ကြိမ်…..။

ခုတော့ ကျွန်မမှာ အဖေ့ကိုလည်း မမျှော်မိတော့တာပင် ကြာခဲ့ပြီ….။ လွမ်းစိတ်ကိုလည်း မမွေးမြူတော့။ ညဖက်တိုင်းလည်း အတိတ်ဆီ  ပြန်လည်တမ်းတမနေနိုင်အောင် ကျွန်မစိတ်တို့ကို မာကျောပစ်လိုက်ခဲ့သည်။ တစ္ဆေတစ်ကောင်၏ ခြောက်လှန့်မှုများကို ကျွန်မရဲဝင့်စွာ ကျောခိုင်းထား လိုက်ပြီ။ ဆိုးရွားလွန်းသော အတိတ်ကို တွန်းလှန်ဖို့ ကျွန်မအားအင်တွေ မွေးမြူရတော့မည်။ မကြာခင်မှာ ကျွန်မတို့ဘ၀ထဲ ရင်သွေးလေးတစ်ဦး ရောက်ရှိလာတော့မည်မဟုတ်လား…..။ ကျွန်မရင်သွေးလေးအတွက် ကျွန်မသွေးကြောင် နေလို့ မဖြစ်..။ ကျွန်မအပေါ် ခြောက်လှန့်ခဲ့သည့် တစ္ဆေ တစ်ကောင်လို အတိတ်အရိပ်ဆိုးများကို ကျွန်မရင်သွေးလေးအပေါ် မကျရောက်စေရ။ ကျွန်မ မရရှိခဲ့သော မိသားစုဘ၀တစ်ခုကို ကျွန်မ ရင်သွေး လေးထံ ပေးချင်သည်..။ ရင်သွေးလေးရောက်ရှိမလာခင် ကျွန်မရင်ထဲမှ တစ္ဆေတစ်ကောင်ကို ကျွန်မအချိန်မှီ သတ်ဖြတ်ပစ်လိုက်နိုင်မည်ဟု ကျွန်မ ယုံကြည်သည်။

 

ခိုင်မာလင်း(သန်လျင်)

အခုအကြောင်းအရာလေးကိုရေးသားဖို့ကျမအတွက်မျက်ရည်တွေအကြိမ်ပေါင်းများစွာကျခဲ့ရဖူးတယ်။ ဆရာဦးဝင်းငြိမ်းရဲ့နှစ်ကြောင်းရေးတစ်ကြောင်းခြစ်လို့ဆိုရမလားပါပဲ.။အခါခါခြစ်ခဲ့ရတယ်။ ဒါပေမဲ့ ဆာနာဂျီစာအုပ်တိုက်ပိုင်ရှင်ကိုသုတက ကျမဆီက ပတ္တမြားFM အတွက်တောင်းထားတာတစ်လလောက်ကြာခဲ့ပြီ။  ကျမရဲခံစားချက် ယုံကြည်ချက်လေးတစ်ခုကိုတောင်းထားလေတော့ သူများနဲ့ မတူတာလေးပေးချင်လို့ ရေးခဲ့တယ်။ ကိုယ့်အထုတ်ကိုယ်ဖွင်ဖေါက်တာပေါ့လေ။ ကိုသုတတို့ဘက်ကတော့စာမူရပြီးတစ်လအကြာမှာ ဖုန်းဆက်လာပါတယ်။ FMကလူကြီးမင်းများကအသံသွင်းဖို့အဆင်ပြေပါပြီတဲ့။ ဒါနဲ့ ကျမနဲ့အတူစာရေးဆရာ ဆရာရဲသျှမ်းလည်းပါသေးရဲ့ ။ အဲ့ဒီနေ့က 18.10.2011နေ့ပါ။ နေ့လည်နှစ်နာရီမှာအသံသွင်းခဲ့ပါတယ်။ ထုတ်လွင်ဖြစ်မယ့်နေ့ကိုတော့လူကြီးမင်းများက

မမေးတဲ့အတွက်ဘာမှမဖြေလိုက်ကြပါဘူး။ ပြန်နားထောင်ဖို့လည်းမအားတာကြောင့်ပါ။ အခုကျမအထုတ်ဖောက်လိုက်ပါပြီလူကြီးမင်းများယုံကြည်သလို လက်ခံနိုင်ပါတယ်။

 

ကျွန်မနှင့်ဘ၀ဖတ်စာ

ကျွန်မနှင့်ဘ၀ဖတ်စာ

အတိမ်အနက် နားမလည်တဲ့ သူတွေကို

ကျင်းနက်ကြီးထဲ ပစ်ချလိုက်….

 ကျားနဲ့တူတဲ့ လူတွေကတော့

နွားကွဲမယ့်ရက်ကို ပြက္ခဒိန်ကြည့်ကြတယ်။

 တောင်းပန်မှကျေနပ်တဲ့ လူတွေကိုလည်း တောင်းပန်ခဲ့

မြို့ပြမှာ လရောင်မြင်ရဖို့ ခက်တယ်။

ဘ၀က မီးခဲတစ်တုံးပဲ…ဖေဖေ

ငြိမ်းမသွားသေးဘူး

သမီးရဲ့ လက်ဖ၀ါးပေါ်မှာ တရှဲရှဲတောက်လောင်ဆဲပေါ့။           ။

မောင်ဝံသ

မည်သူနိုင်နိုင် တရားသဖြင့် အနိုင်ယူပါ (မောင်ဝံသ)

by Maung Wuntha on Tuesday, February 21, 2012 at 1:52pm ·

ယခုအပတ်ထုတ် ပြည်သူ့ခေတ်ဂျာနယ်ပါ မောင်ဝံသ ပြောချင်လွန်းလို့ ဆောင်းပါး။

 

မည်သူနိုင်နိုင် တရားသဖြင့် အနိုင်ယူပါ

 

ရွေးကောက်ပွဲတွေဟာ ဒီမိုကရေစီစနစ်ရဲ့ ကြန်အင်လက္ခဏာတစ်ရပ် ဖြစ်ပေမယ့် ရွေးကောက်ပွဲတွေ လုပ်ပေးတယ်ဆိုတဲ့အချက် တစ်ချက်တည်းကိုကြည့်ပြီး အဲဒီနိုင်ငံကို ဒီမိုကရေစီနိုင်ငံအဖြစ် သတ်မှတ်လို့ မရနိုင်ဘူးဆိုတာလောက်ကိုတော့ အခုအချိန်မှာ ကမ္ဘာ့ပြည်သူ အများစုကြီးက သိနေကြပြီဖြစ်တယ်ဗျ။

ဘာကြောင့်လဲဆိုတော့ ဒီကနေ့ခေတ်သစ် ကမ္ဘာမှာ ရွေးကောက်ပွဲတွေဟာ ပြည်သူလူထုအများစု ကြီးရဲ့ ဆန္ဒကို အရာကိစ္စအားလုံးရဲ့ ထိပ်ဆုံးမှာထားတဲ့ ဒီမိုကရေစီအုပ်ချုပ်ရေးစနစ်ရဲ့ အင်္ဂါရပ်တစ်ခု ဖြစ်တယ်ဆိုတဲ့အချက်က သိပ်ကို ကြီးစိုးလွှမ်းမိုးတွင်ကျယ်နေပြီဖြစ်တာမို့ စစ်အင်အားအသုံးပြုပြီး အာဏာရလာသူတွေကတောင် အများအမြင်ကောင်းစေဖို့ပဲဖြစ်ဖြစ် ရွေး ကောက်ပွဲတွေကို မဖြစ်မနေ ကျင်းပပေးခဲ့ကြရတာကို ကမ္ဘာ့သမိုင်းမှာ မြင်တွေ့ခဲ့ကြရတာကြောင့် ဖြစ်တယ်ဗျ။

 

လူ့အခွင့်အရေးကြေညာစာတမ်း

ဒါကြောင့်လည်း လွတ်လပ်မှု၊ လူ့အခွင့်အရးနဲ့ ဒီမိုကရေစီကို အင်မတန်မှ အလေးထားတဲ့ ကုလသမဂ္ဂအဖွဲ့ကြီးက စစ်မှန်တဲ့ ဒီမိုကရေစီ စနစ်ထွန်းကားပြန့်ပွားရှင်သန်ရေးအတွက် ဘယ်လို ရွေးကောက်ပွဲမျိုးကသာ အထောက်အကူဖြစ်စေနိုင်တယ်ဆိုတဲ့အချက်ကို ထင်ရှားစေဖို့ သူ့ရဲ့ ]]လောကလုံးဆိုင်ရာ လူ့အခွင့်အရေး ကြေညာစာတမ်း}}မှာ ]]ပြည်သူတို့၏ ဆန္ဒကို အချိန်မှန်ကျင်းပသော လွတ်လပ်ပြီး တရားမျှတ သည့် ရွေးကောက်ပွဲများဖြင့် ထင်ရှားစေရမည်}}လို့ တိကျရှင်းလင်းပြတ်သားစွာ ရေးသားဖော်ပြထားတာ ဖြစ်တယ်ဗျ။ ]]ရွေးကောက်ပွဲ}}ဆိုတဲ့ စကားလုံးရဲ့ရှေ့မှာ ]]လွတ်လပ်ပြီး တရားမျှတသည့်}}ဆိုတဲ့ နာမ၀ိသေသနထည့်ထားခြင်းက ဒီမိုကရေစီကို မယုံကြည်သူတွေက ရွေးကောက်ပွဲ တွေကို အသုံးချပြီး မိမိပြည်သူတွေနဲ့ နိုင်ငံတကာအသိုင်းအ၀ိုင်းကို မလှည့်ဖြားနိုင်အောင် ကြိုတင်ဟန့်တားကာကွယ်ထားတာပဲ ဖြစ်တယ်ဗျ။

 

မဲဆွယ်ခွင့် စတင်တဲ့နေ့

ကျွန်တော် အခု ဒီဆောင်းပါးကို ရေးနေတာ ဖေဖော်ဝါရီလ ၁၁ ရက်နေ့ဖြစ်တယ်ဗျာ။ လစ်လပ်နေတဲ့ လွှတ်တော်ကိုယ်စားလှယ်နေရာ ၄၈ နေရာအတွက် ပြုလုပ်ပေးမယ့် ကြားဖြတ်ရွေးကောက်ပွဲများကို လာမယ့် ဧပြီလ ၁ ရက်နေ့မှာ ကျင်းပပေး မယ်လို့ ကြေညာထားတာကြောင့် ရှေ့က လုပ်ထုံးလုပ်နည်းတွေအရ အဲဒီရွေးကောက်ပွဲမှာ ပါဝင်ယှဉ်ပြိုင်ကြမယ့် ပါတီတွေ မဲဆွယ်စည်းရုံးမှု စတင်လုပ်ဆောင်ခွင့်ရှိတဲ့နေ့မှာ ကျွန်တော် ဒီဆောင်းပါးကို ရေးနေတာဖြစ်တယ်လို့ ဆိုလိုတာဖြစ်တယ်ဗျ။

စောင့်ကြည့်နေကြတယ်

 

အားလုံးသိကြတဲ့အတိုင်း အခုလာမယ့် ရွေးကောက်ပွဲဟာ ကိုယ်စားလှယ်နေရာမဖြစ်စလောက်လေးအတွက်သာ ပြုလုပ်မယ့် ရွေးကောက် ပွဲဖြစ်ပေမယ့် ၂၀၁၀ တုန်းက ရွေးကောက်ပွဲနဲ့ လားလားမှ မတူဘူးလို့ ဆိုရလောက်အောင် မြန်မာပြည်သူတစ်ရပ်လုံးက ရင်ခုန်လှုပ်ရှား တက်

 

နိုင်ငံတော်သမ္မတဦးသိန်းစိန် ဦးဆောင်တဲ့ လက်ရှိအစိုးရလက်ထက်မှာ သမ္မတကြီးနဲ့ ဒေါ်အောင်ဆန်းစုကြည်ကို တွေ့ဆုံဆွေးနွေးပြီး လွတ်လပ်ရေးဖခင်ကြီး ဗိုလ်ချုပ်အောင်ဆန်းရုပ်ပုံရှေ့မှာ အတူတွဲဓာတ်ပုံအရိုက်ခံခဲ့ကြတာ ဧရာဝတီမြစ်ဆုံရေကာတာစီမံကိန်း ရပ်ဆိုင်းလိုက်တာနဲ့ ထင်ရှားတဲ့ ရှစ်ဆယ့်ရှစ်မျိုးဆက်ကျောင်းသားခေါင်းဆောင်တွေ၊ တိုင်းရင်းသား ခေါင်းဆောင်တွေ၊ သံဃာခေါင်းဆောင်တွေ အကုန်လုံးလိုလို ပြန်လည်လွတ်မြောက်လာကြတာတွေ အပါအ၀င် ပြည်တွင်းရော ပြည်ပပါ အံ့အားသင့်သွားခဲ့ကြရတဲ့ အဖြစ်အပျက် အများအပြားကို မြင်တွေ့ခဲ့ကြရတာကြောင့် အခု ကျင်းပမယ့် ရွေးကောက်ပွဲဟာ မြန်မာပြည်သူတစ်ရပ် လုံးနဲ့ နိုင်ငံတကာ အသိုင်းအ၀ိုင်းရဲ့ အာရုံကို အခုလောက် အင်အားကြီးကြီးနဲ့ ညှို့ယူဖမ်းစားနေတာဖြစ်တယ်ဗျ။

 

ဒီကနေ့ဆိုရင် ပါတီတွေ တရားဝင်မဲဆွယ်စည်းရုံးခွင့် စတင်ပြီမို့ မကြာမီရက်ပိုင်းတွေအတွင်း ပါတီတွေ ရွေးကောက်ပွဲအောင်နိုင် ရေးအတွက် ဘယ်လိုအပြိုင်အဆိုင် စည်းရုံးလှုပ်ရှားကြတယ်ဆိုတာကို ကျွန်တော်တို့ မြင်တွေ့ကြရတော့မှာ ဖြစ်တယ်ဗျ။ အထူးသဖြင့် ကိုယ်စားလှယ် နေရာလစ်လပ်တဲ့ မြို့နယ်တွေက ပြည်သူတွေဟာ ပါတီတွေရဲ့ ပြိုင်ဆိုင်မဲဆွယ်စည်းရုံးမှုတွေကို အနီးဆုံးနဲ့ အများဆုံး မျက်ဝါးထင်ထင် တွေ့မြင်ကြရတော့မှာ ဖြစ်တယ်ဗျာ။

 

တာဝန်အရှိဆုံး ၃ ဌာန

လတ်တလော ကျွန်တော်တို့နိုင်ငံမှာ မြင်တွေ့ရစပြုနေတဲ့ ဒီမိုကရေစီ ပြုပြင်ပြောင်းလဲမှုတွေဟာ အရှည်တည်တံ့ခိုင်မာစွာ တည်ရှိသွား မယ့် အရာတွေ ဟုတ်çမဟုတ်ကို ပထမဆုံး စမ်းသပ်စစ်ဆေးမယ့်ပွဲဖြစ်တဲ့ အဲဒီရွေးကောက်ပွဲ လွတ်လပ် တရားမျှတရေးဟာ တစ်ဦး တစ် ယောက် တစ်ဖွဲ့ရဲ့ တာဝန်မဟုတ်။ ပြည်သူအားလုံးရဲ့ တာဝန်ဖြစ်ပါတယ်။ အထူးသဖြင့် သီးခြားထုတ်နုတ်ရွေးချယ်ပြောဆိုရရင် ရွေးကောက် ပွဲကို ကြီးကြပ်ကျင်းပပြုလုပ်ပေးမယ့် ကော်မရှင် အဆင့်ဆင့်၊ ပါဝင်ယှဉ်ပြိုင်ပေမယ့် နိုင်ငံရးပါတီတွေနဲ့ ဆန္ဒမဲပေးကြမယ့် ပြည်သူတွေအားလုံး က လွတ်လပ်ပြီး တရားမျှတတဲ့ ရွေးကောက်ပွဲ ပီပီပြင်ပြင်ဖြစ်အောင် ၀ိုင်းဝန်းလက်တွဲကြိုးပမ်းကြရမှာ ဖြစ်တယ်ဗျ။

 

လက်ရှိမှာ ပြည်ထောင်စုရွေးကောက်ပွဲ ကော်မရှင်ဥက္ကဋ္ဌက ပြီးခဲ့တဲ့ရွေးကောက်ပွဲက ချွတ်ယွင်းချက်၊ အားနည်းချက်တွေကို ပြုပြင်ပြီး အခု ရွေးကောက်ပွဲကို အလွတ်လပ်ဆုံးနဲ့ တရားအမျှတဆုံးဖြစ်အောင် ကျင်းပပေးသွားမယ်လို့ ကတိပြုထားတယ်။ ပြည်သူတွေကလည်း မိမိတို့ အသည်းကြားက မဲတစ်ပြားကို သွားထည့်ဖြစ်အောင် ထည့်မယ်လို့ အားခဲထားကြတယ်။ ဒီအခြေအနေမှာ စောင့်ကြည့်ကြရမှာက တော့ ပါတီတွေ ဘယ်လို မဲဆွယ်စည်းရုံးကြမလဲဆိုတာပဲဗျ။

 

လာဘ်ထိုးမဲဆွယ်တဲ့အမှု

မကြာသေးခင် လပိုင်းကပဲ ကျွန်တော် ဆောင်းပါးတစ်ပုဒ် ရေးခဲ့ပါသေးတယ်။ အိန္ဒိယပြည်နယ်ရွေးကောက်ပွဲတစ်ခုမှာ ပါတီတစ်ခုက သူ အနိုင်ရရင် ပြည်နယ်အတွင်းက မူလတန်းကျောင်းသားတိုင်းကို လက်တော့ပ်ကွန်ပျူတာ တစ်လုံးစီ ရစေမယ်ဆိုတဲ့ ကတိနဲ့ ၀င်ပြိုင်တာ အနိုင်ရသွားလို့ အခြားပါတီတွေနဲ့ အပျော်တမ်းရွေးကောက်ပွဲ စောင့်ကြည့် အကဲခတ်အဖွဲ့တွေက ဒါဟာ မဲဆန္ဒရှင်တွေကို လာဘ်ထိုး စည်းရုံးတာဆိုပြီး တရားရုံးမှာ အမှုဖွင့်ထားတဲ့အကြောင်း ဆောင်းပါးဖြစ်တယ်ဗျ။

ကျွန်တော်တို့ အိမ်နီးချင်းနိုင်ငံတစ်ခုမှာလည်း ပါတီတစ်ခုက ကျေးလက်တောရွာနေ ဆင်းရဲသား လယ်သမားတွေကို ငွေနဲ့ မဲဆွယ် စည်းရုံးပြီး ရွေးကောက်ပွဲအနိုင်ရခဲ့ပေမယ့် နောက်ပိုင်းမှာ ပြဿနာတွေ တစ်ထွေးကြီးတက်ပြီး အဲဒီပါတီက ၀န်ကြီးချုပ်ဖြစ်လာသူ အခုအထိ ပြည်တော်မပြန်နိုင်ဖြစ်နေသေးတာလည်း ရှိတယ်မဟုတ်လားဗျာ။

 

လမ်းတွေ ပြင်နေချိန်

ကျွန်တော်တို့ဆီမှာလည်း ကြားဖြတ်ရွေးကောက်ပွဲ လုပ်မယ့် မြို့နယ်တချို့မှာ သုံးလေးနှစ်လောက် တစ်ပိုင်း တန်းလန်းနဲ့ ပစ်ထားခဲ့တဲ့ လမ်းတွေ အခုတလောမှ အားချင်းအပြီးသတ်နေတယ်ဆိုတဲ့ သတင်းတွေ ကြားနေရတယ်ဗျ။ အဲသလို အလောသုံးဆယ် လမ်းတွေပြင်နေတာ နဲ့ ရွေးကောက်ပွဲ ဆက်စပ်နေခြင်း ရှိçမရှိ အခုလောလောဆယ်မှာ မသိရသေးပေမယ့် မကြာခင်သိလာရမှာပါလို့ အဲဒီမြို့နယ်တွေရဲ့ ဒေသခံ တွေ ပြောနေကြတယ်လို့ သိရတယ်ဗျ။ ဘာပဲဖြစ်ဖြစ် သူတို့နေလာခဲ့တဲ့ကာလတစ်လျှောက်လုံး ဖြစ်ချင်တိုင်းဖြစ်နေခဲ့တဲ့ လမ်းတွေ အခုတလော ]]ဟောတစ်ခု … ဟောတစ်ခု}} ကောင်းလာနေတာကိုကြည့်ပြီး ဒေသခံပြည်သူတွေ ပြုံးပျော်နေကြတယ်လို့ သိရတယ်ဗျ။ ကျွန်တော်တို့ နဲ့ အဝေးကြီးပေမယ့် အဲဒီမြို့နယ်တွေက ပြည်သူတွေ ပျော်တယ်ဆိုတော့ ကျွန်တော်တို့လည်း ပျော်ပါတယ်ဗျာ။ ]]ဒါတောင် ဒီမိုကရေစီရဲ့ အစပဲရှိသေးတယ်ကွ}}လို့ ကြုံးဝါးပြီး တစ်ဆက်တည်းမှာ ဒီမိုကရေစီ အခုလို ဖူးပွင့်ဝေဆာလာအောင် ပေးဆပ်မှုအမျိုးမျိုးနဲ့  ရုန်းကန်ကြိုးပမ်းခဲ့ကြ သူတွေကို ဦးညွတ်အလေးပြုမိတယ်ဗျ။

 

အားလုံးသိကြတဲ့အတိုင်း ကျွန်တော်ဟာ နိုင်ငံရေးနောက်ခံ တစ်စုံတစ်ခု ရှိခဲ့သူဖြစ်ပါတယ်ဗျာ။ သို့ပေမယ့် အခုလက်ရှိမှာ ကျွန်တော်ဟာ အရာကိစ္စအားလုံး တရားမျှမျှတတဖြစ်ရေးကိုသာ နံပါတ်တစ် ဦးစားပေး အလေးထားပြီး မတရားတာ အမြင်မတော်တာတွေ့ရင် ကလောင်လက်နက်နဲ့ ဖော်ထုတ် ပေးဖို့တာဝန်ရှိတဲ့ စတုတ္ထမဏ္ဍိုင်လောကသားတစ်ယောက်အဖြစ် နှစ်မြှုပ် ရပ်တည်နေတာမို့ လာမယ့်ရွေးကောက်ပွဲမှာ မည်သည့်ပါတီပဲ နိုင်နိုင်၊ တရားနည်းလမ်းကျကျ မှန်မှန်ကန်ကန် ယှဉ်ပြိုင်ပြီး အနိုင်ရရှိလာတယ်ဆိုတဲ့ အသံသာလျှင် ပြည်သူများအဖို့ နားဝင်ပီယံအဖြစ်ဆုံးအသံ ဖြစ်လိမ့်မယ်၊ အဲသလို အသံမျိုးပဲ ကြားလိုပါတယ်လို့ ပြောချင်တယ်ဗျာ။

 

၁၂ ၀၂ ၂၀၁၂

 

maungwuntha@gmail.com

မိုးစက်တေးသီချင်း

                                                မိုးစက်တေးသီးချင်း

မိုးသည်းသည်းသည်းလမ်းမပေါ်ကို                စိတ်လွတ်ကိုယ်လွတ်

ငါလျှောက်လာခဲ့တယ်

ငါက        မိုးစက်တွေဆို         သိပ်ချစ်တာပေါ့

ငါတို့ခန္ဓာကိုယ်ပေါ်က သံသရာဟာ ပူလောင်လွန်းတယ်မဟုတ်လား

အရေးကြီးတဲ့  ဘ၀မှာ အရေးမကြီးတဲ့ ကြော်ငြာတွေ ဖြတ်ဖြတ်ဝင်ခဲ့ပေါင်း  များနေပြီ

လောကရဲ့   အညစ်အကြေးအားလုံး

သန့်စင်မိုးစက်တွေနဲ့     ဆေးကြောပစ်ဖို့  အထူးလိုအပ်တယ်

သာယာတဲ့   တေးသီးချင်းတစ်ပုဒ်ဟာ

ဘယ်တော့မှမသေဆုံးဘူးဆိုရင်

အဲ့ဒီတေးသီးချင်းဟာ    ငါ့ခေါင်းပေါ်က    မိုးစက်တွေပဲကွယ့်။               ။

(မိုးရွာသောနေ့တစ်နေ့    သတိတရ)

အလုပ်သစ်ခေါ်စာအယ်ဒီတာ

စာပေတော့စာပေပဲ

လုပ်ရတဲ့အလုပ်က မိန်းမရွှင်ဆန်တယ်။

ငွေယူပြီး သူများစိတ်ကြိုက်ဖျော်ဖြေရမယ်။

အထက်နဲ့စကားပြောတဲ့အခါ

အပေါ်အောက်နှုတ်ခမ်းသားတွေ စေ့ထားနိုင်ရမယ်။

မင်းမှာရှိတဲ့ စာရီရယ်လက်ဇင်တွေ  မော်ဒန်အသိတွေ သွားချမပြနဲ့

သူကအ၀တ်တောင်ချွတ်ပြချင်နေတာ။

သူဘာမေးမေး no comments ပေးနိုင်ရမယ်။

သတိတစ်ချက်လွတ်တာနဲ့ မင်းလည်ပင်းမှာ ကြိုးတစ်ချောင်းရစ်လိမ့်မယ်။

နောက်တစ်ချီဆိုရင်တော့  ကိုယ့်သေတွင်းကိုယ်တူးရမှာ။

လစာက charles & keith  ကအလတ်တန်းစား အိတ်တစ်လုံးစာလောက်တော့ရမယ်။

မင်းသိထားရမှာက        ဒီအလုပ်မှာ-

မင်းက           spokesman မဟုတ်ဘူး။

မင်းက           spokeswoman မဟုတ်ဘူး။

မင်းက           spokespersonမဟုတ်ဘူး။

မင်းက

ဦးနှောက်တွေ နေခြောက်လှန်းခံရမယ့်ကောင်။              ။

ပဉ္စလက် (13.10.11)

(ညး 7း00)

Hello world!

Welcome to WordPress.com. After you read this, you should delete and write your own post, with a new title above. Or hit Add New on the left (of the admin dashboard) to start a fresh post.

Here are some suggestions for your first post.

  1. You can find new ideas for what to blog about by reading the Daily Post.
  2. Add PressThis to your browser. It creates a new blog post for you about any interesting  page you read on the web.
  3. Make some changes to this page, and then hit preview on the right. You can always preview any post or edit it before you share it to the world.